قصيده على تبديل العلم

ياصاح سيف الغدر ناسك علي سنته
وقانون صار الذبح بهذا البلد سنته
وكتاب الله احترك واجفوفهم سينته
شيحرك ضمير القوي هذا صلف شيعته
كتّلو اغلى البشركل الاهل شيعته
كل احنه جدنه علي بشجره ونسب شيعته
بس الاصح نتّبع طه النبي وسنته
وان شاء الله تنشال الغمة على وطنه ونرجع مثل قبل واحسن

***

انحلت جميعا ما بقت بس هاي*** علم لازم انشيله نبدله بغيرة!!
مي مو قليل وكهرباء هواي*** وغاز ونفط كل واحد وبيرة!!
جيناكم نحرر من ابو عداي*** لرفع راس الوطن ونريد تطهيرة!!
لا والله جذبتوا ما صدكتوا بهاي*** جيتو لل لغف والعين ع الليرة
لا همكم بلد لا همكم البجاي*** لا همكم شعب تعبان وبحيرة
انوب القهر مو هذا قهر الجاي*** يشيلون العلم يردون تغييرة
لك هذا العلم الشلته كل دنياي*** وذبحت الوغد لو مسه بسيرة
هسة تريد اشيله ومنهو تحجي وياي* هوة انت اللي جابك بوش وبليرة
اجيت ارض العراق البيهة اطيب ماي **تريد انت التخربه وتنهب بخيرة
لا والله ابد لو موش بس يمناي*** لو يسرة ويمنتي تكصهة ما اديرة
ويا شعب العراق بهاي انتو وياي*** معروفه الشهامة البيكم جبيرة
لا تنسون اصلكم وتًنسون الماي** جا وين الشرف جا وينهة الغيرة

لك هذا العلم والله واكبر هاي*** بالشريان الابهر يمشي تصويرة

ما اغيره ابد وارفعه بكل ممشاي*** لو دارو عليه الكون ما اديره

» حب عجيب وتهييج عجيب لا يسمح به اهل العلم هدية لكم