عاشق اوهامي

موضوع: عاشق اوهامي الأربعاء يونيو 23, 2010 7:28 am

أشفايتلي لون ميت .... واضل ابجي واكلهم مات
ولا اشوفنك اكبالي تبجيني وافرح بالبجي الشمات
يا بذات
من باب العشك من جنت اسولف بيك مو من باب نكر الذات
يا بذات
نقطة ضعفي بيدك تدري بيه شلون اضل ارجف رجف لو بس خيالك فات
يا بذات
لا تكسر اكليبي وتدري محبس بي ولك ما اعرف العب حتى اصيحن بات
يل اسمك شعر ضل بخيالي يدور اصيح اللــــــه اذا اشوفك واحس بسوالفك ضربات
وهاك وهات
وخنطلع السوالف والحجي المضموم ما دام الوكت ما فات
انه شجره صرتلك من جنت عصفور....هسه الذيب انته شلون اصيراَ شات
انه تدري بعيوني شكثر شايل شوك بكثر ما اجن منك للكلب طعنات
وتدري شلون ذبلن انه عيوني عليك
مثل وردات حبنه شلون ذبلانات
وتكلي شبيك ما حنيت
وتكلي شبيك مشتاكيت
انه موبس الك مشتاك
انه من بعد عينك للهوه اشتاكيت
بس انته الي ما وفيت
مو كتلي بعد ما اجيك ....من كتلي بعد ما اجيك
ما فوتت يوم وبالحلم ما اجيت
انه جروحي بكبر ما فرحت الشمات
واجيت اتداوي انته وعفيه من داويت
لو جايب ملح منك تطيب اجروح
بس انته سوالف عالجرح خليت
جنت اشتاك اشوفك واليحب يشتاك
على جدران بيتي شكد صور حطيت
عفتني وردت انزلهن وخاف شلون
الي بكدهن شماته التارسين البيت
وما كفيت
من ونيت شفتك صفكت ملهوف كتلك ليش كتلي وداعتك مو قصدي بس الصار
شفتك شكلت بالونه من ونيت
وتكلي شبيك ما حسيت
انه حسيت بيك اتريد عني تروح بس لمن شبكتك كلشي ما حسيت
انه جناحاتي كملن كلت اطير اليوم
بس ماكو سمه ورديت
(وجدامي تخط رديت)
بس ها كلت ما رأدن اضن شمات يم البيت
__________________